السلام عليكم ورحمة الله وبركاته
يجب على الإنسان أن يزن الكلمة في نفسه قبل أن يقذفها بلسانه
وأن تكون تلك الكلمة سالمة طيبة في سبيل الخير.
::
ترا اللسان أحيان ينكب لـه أنسـان***
وكم واحدٍ جت نكبتـه مـن لسانـه
وترا اللسان احيـان يكـون ثعبـان***
لـه لدغـةٍ خطـره وفيهـا عفانـه
وترا اللسان حصان يبغالـه إعنـان****
ويـورط اللـي مايـجـود عنـانـه
ويحتاج له في كل الاوقـات ميـزان***
ميـزان عـدلٍ ولاتجيـه الخيـانـه
ميزان عدلٍ معتـدل كـل الاحيـان***
وكـل الجـوارح تعتبـر كالأمانـه
وكـم لسـانٍ زل راعيـه وانهـان***
وقال المثـل كـلٍ لسانـه حصانـه
ومن يستمع لفـلان ويصـدق فـلان***
تلقـاه دايـم متعـبٍ فـي زمـانـه
والهرج يرضي احيان ويزعل احيان****
ويحتاج لـه حكمـه ومعهـا فطانـه
وياشين هرجٍ مايجـي فيـه ثبتـان***
ويازين هـرجٍ ينوجـد فـي مكانـه
وياشينهـا لاقالـو فـلان غلـطـان***
ويازين مـن جـود لسانـه وصانـه
والهرج يحصل فيـه زودٍ ونقصـان***
ولاخير فـي هـرجٍ قليـلٍ احسانـه
والصدق يطلع لـه حقيقـه وبرهـان***
وكلٍ يبيـن وينعـرف ويـش كيانـه
ويعرف مجال الصدق من غير عنوان***
والكذب يعرف فـي مجالـه جبانـه
ودايم مجال الكـذب راعيـه جابـان***
مثل الحصيني ميـر عنـده ذهانـه
دايم طويل لسان ولايقضـي الشـان***
يـدرج لسانـه كنـه الاسطـوانـه
وتلقاه في كـل المواضيـع خسـران***
وليـا نصحتـه زاد فـي عنفـوانـه
مافيه طيرٍ طار من غيـر جنحـان***
وليا انكسر حـدا الجناحيـن خانـه
والرابح اللي منهجه ركن الاحسـان***
الصادق اللي منهـج الصـدق شانـه
موضوع: ترا اللسان أحيان ينكب له أنسان !! 
الثلاثاء 23 سبتمبر - 23:52
